البحث شعبية

الزعيمْ الفَذْ

 قامتْ على ماقضاهْ اللهْ بتدبيرهْ
دولَةْ الإماراتْ فيها الخيرْ والعمرانْ

باني حِماها حِماها ودامْ تأثيره ْ
واللهْ بعونِهْ وتوفيجِه عطاهْ وعانْ

دولِهْ قويِّهْ ثريٍّهْ تجلِبْ الغيرهْ
لكلْ قايدْ يريدْ يكونْ عندهْ شانْ

والرَّايهْ اليومْ في إيدْ أشرَفْ مناعيرهْ
بوخالدْ الشَّهمْ للدولهْ غدا الرِّبَّانْ

زعيمنا وكلِّنا فَ أمرَهْ لهْ الخيرهْ
يختارْ وإحنا لهْ الأعوانْ والإخوانْ

له سيرةٍ في المعالي نعم بالسِّيرهْ
وبالمسيرهْ الكبيرهْ والسٍّما العنوانْ

نفخرْ بما كانْ منْ رايهْ وتفكيرهْ
هوُ صانعْ المجدْ وأهلِهْ ماجَرَتْ الأزمانْ

علىَ الوطَنْ مَدْ ظلِّه وزادْ تعميرهْ
بالعدالهْ يدومْ الملكْ والسلطانْ

عينهْ علَى الاوليِّه في مصاديرهْ
مايرضا إلا بالأوَّلْ في علوْ الشَّانْ

ومنْ كانْ طيَّار فيشوفْ السِّما صغيرهْ
حرٍ  تعلاَّ ونشَرْ عا دولتِهْ الجنحانْ

في الحَربْ والسِّلم تجديمِهْ وتأخيرهْ
لمصلحَةْ دولتِهْ ماهمِّه شو ماكانْ

زعيمنا لي نحبِّه ومالنا غيرهْ
عاشْ الزعيمْ المفدَّى بانيْ الأوطانْ

حزمهْ وعَزمه وتدبيره وتقديره
بنت وطن فيه شعب راضي وفرحان

الله يديمه وتحيا  الناس من خيره
والله يثبت بحكمه للوطن الأركان

ومبروك عيدك بلادي دمتي إمنيره
ودام إتحادك ومجدك ماجرت الأزمان
 
 صاحب السمو الشيخ محمد بن راشد آل مكتوم - الزعيمْ الفَذْ