عليهم صابر والصبر طّول
​عسى أنال في صبري شفاعه
​سبب خل عليه القلب يهمل
​هميل العين ما كف اندفاعه
​عليه القلب من وكره تملّل
​يشوف الصيد في عالي رفاعه
​حسين اللون بأوصافه تكمّل
​تيّنع مثل ورد في زراعه
​عليه أمن الدجى كالليل يجهل
​إذا هدّت مياديله أرباعه
​وعينه مثل عين الحر لاكحل
​وخدّ ياضي البارجْ شعاعه
​ومهيوف الحشا والخصر لاعزل
​على جسم تحلّيه لقطاعه
​عليه انوح دام الدوب واسال
​وقلبي م العنا زاد التياعه
وحبّه في الحشا باطنْ تخلّّل
​تسلّل في شراييني جماعه
​غزاني حبكم والحب يقتل
​وقلبي في هواه أو في ضياعه
​احبّك دون كلْ النّاس.. واسأل
​واطيع الامر واصغي لاستماعه
ألا ياصاح من مثلي تغربل
​غزاه العشق قوّه واندفاعه
​ظويل الهم في المهجة ترفل
​صدير اورودها فرد أو فياعه
​